Aqtóbede ózenge batyp bara jatqan kólikten úsh adam shyǵyp úlgergen
Aqtóbe oblysy aýmaǵynda muz eridi. Saldarynan Oıyl aýdany Qaıyńdy aýylyndaǵy Oıyl ózenine Ýaz markaly avtokólik batyp ketti. Ol ózen arqyly ótpek bolǵan. Kóliktegi júrgizýshi men 2 jolaýshy óz betimen syrtqa shyǵyp úlgerdi. Olar medıtsınalyq kómekti qajet etpedi.
«Sonymen qatar Oıyl aýdany, Kóptoǵaı aýyldyq okrýginde mal baǵýǵa shyǵyp, qaıtyp oralmaǵan malshyny izdestirý-qutqarý jumystary júrgizilip jatyr. Oblystyq TJ departamenti muz ústimen ótý kezinde qaýipsizdik erejelerin saqtaýdy suraıdy. Muzdyń juqa bóligine shyqpaý kerek. Kólikpen tek arnaıy ótkel arqyly ótken jón. Muzdaǵy oıyqtarǵa, jaryqtarǵa jaqyndamaýdy qatań eskertemiz»,- dep habarlady oblystyq TJD baspasóz qyzmeti.
Eske salsaq, Aqtóbede Oıyl aýdanynda qysta jańbyr jaýyp, aýyl kóshesin basyp qaldy.
