Aqtóbede ózenge batyp ketken mektep jumysshysyn qutqaryp qalý múmkin bolmady

Qarǵaly aýdany Josaly aýyl mańyndaǵy Qýaǵash ózeninde jazataıym oqıǵa boldy.

Mektepte slesar bolyp jumys isteıtin 59 jastaǵy er adam kóz jumdy.

— 1967 jyly týǵan er adam túski úzilis kezinde Josaly aýyly mańynda demalǵan. Bul jer sýǵa túsýge arnalmaǵan jáne jabdyqtalmaǵan. Kýágerler er adamdy jedel túrde sýdan shyǵaryp, tynys almaı jatqanyn anyqtaǵan. Alǵashqy medıtsınalyq kómek kórsetilip, tynysy qalypqa kelgen. Ony medıtsınalyq mekemege jetkizgenimen, kóz jumdy, — dedi Aqtóbe oblystyq bilim basqarmasy basshysynyń orynbasary Nurgúl Bertileýova.

Aıta keteıik, Aqtóbede jaǵajaılardyń kóbi shomylý maýsymyna daıyn emes. Súńgýirler sý aıdyndaryn tekserip, tek 13-ine ruqsat berdi. Al 52 jaǵajaıda qutqarý quraldary túgel emes ári kóktemde sý júrgende kóp jer búlingen.