Aqtóbede ózen arnasyn tazartyp júrgen traktorshy mert boldy
AQTÓBE. QazAqparat - Aqtóbe qalasyndaǵy Jaman Qarǵaly ózeniniń arnasyn tazartyp júrgen 51 jastaǵy traktorshy oqıǵa ornynda qaza boldy. Qazirgi ýaqytta eńbek ınspektorlary tekserý júrgizip jatyr, dep habarlaıdy QazAqparat tilshisi.
Aqtóbe qalasynda sý tasqynynyń aldyn alý úshin ózen arnasy tazartylyp jatyr. Jaman Qarǵaly ózeniniń arnasyn tazartý jumystaryn júrgizip jatqan 51 jastaǵy traktorshy oqıǵa ornynda qaza bolǵan. Qazirgi ýaqytta Aqtóbe oblystyq eńbek ınspektsııasy basqarmasynyń ınspektorlary oqıǵa ornyna baryp, sebebin anyqtap jatyr. Al sýdan qutqarýshylar shaqyrý bolǵanymen, qulaǵan býldozerdi jumysshylar óz kúshimen shyǵarǵanyn aıtyp berdi.
«Oqıǵa 31 naýryz kúni tirkeldi. Bizge shaqyrý túsip, jedel qutqarý toby jolǵa shyqqan kezde olardy keri qaıtarýǵa týra keldi. Sebebi, jumysshylar óz kúshimen býldozerdi sýdan shyǵaryp alǵan. Býldozer qulap, júrgizýshi ishinde janshylyp qalǵan. Ol sýǵa ketken bolyp eseptelmeıdi»,- dedi TJD jedel qutqarý tobynyń jetekshisi Oksana Kıchıgına.
Qazirgi kezde tergeý júrip jatyr.
