Aqtóbede ózine qol jumsaǵan ákimniń ornyna jańasy saılandy
AQTÓBE. KAZINFORM – Keńqııaq aýylynyń ákimi qyzmetine Qasymhan Shýrkın kiristi. Oǵan saılaýshylardyń teń jartysynan astamy daýys berdi.
Temir aýdandyq aýmaqtyq saılaý komıssııasy saılaý qorytyndysyn jarııalady. Keńkııaq aýyldyq okrýgi boıynsha barlyǵy 3 649 saılaýshy tirkeldi. Onyń 2 100-den astamy óz tańdaýyn jasady. Eki adam bárine qarsy bolsa, 10 bıýlleten jaramsyz dep tanyldy. Keńqııaq aýylynyń ákimi qyzmetine úsh úmitker usynyldy. Onyń ishinde Qasymhan Shýrkın 1 449 daýys jınady.
- Qasymhan Shýrkın 1972 jyly dúnıege kelgen. «Keńkııaq-SK» KMK-nyń dırektory. Aqtóbe oblysy Temir aýdany Keńkııaq aýylynyń turǵyny. Ol «Amanat» partııasynan usynylǵan, - dep habarlady Temir aýdandyq aýmaqtyq saılaý komıssııasy.
Eske salsaq, Keńqııaq aýylynyń ákimi Qýanyshbek Serikjanov mamyr aıynyń basynda óz-ózine qol jumsady. Ol 2014 jyldan bastap memlekettik qyzmette jumys istedi. 2023 jyldyń mamyr aıynan Temir aýdany Keńqııaq aýyldyq okrýgi ákiminiń orynbasary, 2023 jylǵy 15 qazannan bastap Keńqııaq aýyldyq okrýginiń ákimi qyzmetin atqardy.
Aqtóbe oblystyq PD baspasóz qyzmetiniń habarlaýynsha, sýıtsıd deregi boıynsha qozǵalǵan qylmystyq is qysqartyldy.
