Aqtóbede Oıyl ózenindegi zańsyz salynǵan bógetter buzylyp jatyr
AQTÓBE. QazAqparat – Aqtóbede Oıyl ózeni boıyndaǵy bógetter buzylyp jatyr. Olar zańsyz salynǵan, dep habarlaıdy QazAqparat tilshisi.
Aqtóbe oblysy boıynsha respýblıkalyq menshikte 12 sý qoımasy bar. Sonymen birge 140 kommýnaldyq, jekedegi 122 nysan tizimge alynǵan.
Kommýnaldyq menshiktegi plantınalar mal jáne shaǵyn baý-baqshany sýarýǵa arnalǵan.
Al jekeniń qolyndaǵy toǵandar sýarmaly sharýashylyqqa paıdalanylady.
Budan bólek ózen jaǵalarynda birneshe bógettiń zańsyz salynǵan, baqylaýǵa alynbaǵany Oıyl ózeniniń máselesi kóterilgende belgili boldy.
«Oıyl ózeniniń máselesi boıynsha birneshe maman kelip, qarap ketti. Tekserý kezinde 24 bóget anyqtaldy. Bireýi kommýnaldyq menshikte. Al toǵyzy ıesiz. Bıyl sol bógetterdi buzý jumysy bastaldy», - dedi Temir aýdany ákiminiń orynbasary Azamat Janbolat.
Keıbir bógetterdi sý buzyp ketken. Sondyqtan bul jerlerge tehnıka kúshi qajet etpeı tur.
«Qazsýshar» mekemesiniń tehnıkasymen Oıyl ózenindegi eki bóget buzyldy. Qazir úshinshi bógetti buzý jumysy júrgizilip jatyr. Negizi bir nysandaǵy jumys 2-3 kúnge sozylady. Biz jumystyń tehnıkasyn kórsettik, ózgesin jaýaptylar atqarady», - dedi «Qazsýshar» RMK oblystyq fılıalynyń dırektory Ádiljan Álizaq.
Jalpy Oıyl ózeniniń uzyndyǵy 800 shaqyrymdy quraıdy.
Bastaýyn Muǵaljar taýynan alady. Munda jylyna 120 mıllıon tekshe metrden astam sý jınalsa, byltyr tek 13 mıllıon tekshe metr sý keldi.
Máseleni Atyraý oblysynyń turǵyndary qozǵap, keıin Úkimette qaraldy.
