Aqtóbede ótken jarysta qazaqstandyq tennısshiler absolıýtti jeńimpaz atandy
ASTANA. QazAqparat – Aqtóbe qalasynda 18 jasqa deıingiler arasynda besinshi sanattaǵy ITF Juniors jarysynda qazaqstandyqtar Vıtalıı Zatsepın men Dilnaz Mashabaeva absolıýtti chempıon atandy, dep habarlaıdy QazAqparat tilshisi.
Qaraǵandy tennıs mektebiniń túlegi V. Zatsepın jekeleı synda fınalda reseılik Dmıtrıı Býrtsevti 6:2, 6:1 esebimen oısyrata utty.
Juptyq synda Vıtalıı almatylyq Kırıll Kolganovpen birge sońǵy básekede elordalyqtar Davıd Djavadov - Ilıa Vedmedti 6:2, 6:2 esebimen utty.
Bul – V. Zatsepınniń ITF Juniors týrnırlerindegi 10-ynshy tıtýly (úsheýi jekeleı, jeteýi juptyq synda). K. Kolganov juptyq synda ekinshi ret chempıon atandy.
Qyzdar arasynda D. Mashabaeva sheshýshi kezdesýde reseılik Darıa Kýznetsovany 6:4, 6:4 esebimen tize búktirdi.
Almaty tennıs mektebiniń túlegi juptyq synda tartysty ótken fınalda komandalas áriptesi Satı Áýbákirovamen birge reseılik Ksenııa Eremenko - qazaqstandyq Ásem Shoıbekten aılasyn asyrdy – 6:1, 6:7, 12:10.
Bul – Dilnazdyń osyndaı dodalardaǵy tórtinshi tıtýly (úsheýi juptyq, bireýi jekeleı synda) bolsa, Satı tyrnaqaldy tabysyna qol jetkizdi.
Eske sala keteıik, budan buryn Qazaqstan tennısshileriniń jańa maýsymǵa Dýbaıda daıyndalatynyn jazǵan bolatynbyz.
