Aqtóbede ótken táýlikte avarııalyq-qutqarý jáne izdeý jumystary júrgizildi
AQTÓBE. KAZINFORM – Aqtóbe oblysynda respýblıkalyq jáne oblystyq mańyzy bar tasjoldarda avarııalyq-qutqarý jáne izdestirý jumystary júrgizildi. 10-ǵa jýyq adam qutqaryldy.
Aqtóbede boran soǵyp, keshe 6 baǵytta jol jabyldy. Qazirgi kezde tek Hromtaý-Qarabutaq aralyǵynda ǵana shekteý bar.
– Syıymdylyǵy 9 myńnan asatyn 142 jylytý pýnkti daıyndyqqa keltirildi. Oblys halqyn qulaqtandyrý Darmen mobıldi qosymshasy, SMS-habarlama jáne áleýmettik jeliler arqyly júzege asyryldy. Sondaı-aq ótken táýlikte oblys joldarynda 7 avarııalyq-qutqarý jumysy júrgizildi. Onyń ishinde 4 adam qutqaryldy. Ekeýi bala, ózgesi eresek adam. Taǵy 3 izdestirý-qutqarý jumystary júrgizildi. Ol kezde 2 adam qutqaryldy, - dedi Aqtóbe oblysynyń TJD Tótenshe jaǵdaılardy joıý basqarmasy bastyǵynyń mindetin ýaqytsha atqarýshy Aslan Arzymbetov.
Eske salsaq, Aqtóbe oblystyq tótenshe jaǵdaılar departamenti jedel shtab qurdy.
