Aqtóbede otqa oranǵan garajdyń ishinen bir adamnyń denesi tabyldy
AQTÓBE. QazAqparat - Aqtóbede qaraýsyz qalǵan garaj janyp, bir adamnyń denesi tabyldy. Qazir onyń kim ekeni anyqtalyp jatyr, dep habarlaıdy QazAqparat tilshisi.
Oqıǵa Aqtóbe qalasyndaǵy T.Ahtanov kóshesinde bolǵan.
Munda qaraýsyz qalǵan garajdan órt shyǵyp, oqıǵa ornyna 12 adam men 3 tehnıka jiberildi.
Oblystyq tótenshe jaǵdaılar departamenti baspasóz qyzmetiniń habarlaýynsha, aýdany 60 sharshy metr bolatyn garaj janǵan.
Bul qaraýsyz qalǵan nysan. Órt jarty saǵatta sóndirildi.
«Órt sóndirilgen soń qyzmetkerler garajdyń ishin qarap shyqty. Onda er adamnyń denesi tabyldy. Ottyń qalaı tutanǵany tekserilip jatyr»,- dedi oblystyq TJD baspasóz qyzmeti.
