Aqtóbede Orynbor oblysynyń kúnderi ótti
AQTÓBE. QazAqparat - Aqtóbede Orynbor oblysynyń kúnderi ótti. Kásipkerler betpe-bet kezdesip, Orynborda shyǵarylatyn ónimderdiń kórmesi uıymdastyryldy, dep habarlaıdy QazAqparat tilshisi.
Aqtóbe men Orynbor oblystarynyń ózara yntymaqtastyǵyn arttyrý, ekonomıkalyq baılanysty nyǵaıtý maqsatynda búgin Orynbor oblysynyń kúnderi ótti. Resmı jıynǵa oblys ákimi Berdibek Saparbaev pen Orynbor oblysynyń gýbernatory ıÝrıı Berg qatysty.
«Kórshi memleketpiz, burynnan kele jatqan qarym-qatynas bar. Bizdiń mindet -baılanysty ári qaraı jalǵastyrý. Bir jyl buryn Orynborda Aqtóbe oblysynyń kúnderi ótti. Sol kezde jyl saıyn Orynborda, Aqtóbede eki óńirdiń kúnderi ótedi dep kelisim jasaldy. Eki el kásipkerleri, azamattarynyń qarym-qatynasyna bar jaǵdaıdy jasaımyz. Indýstrııa, áleýmettik sala, bızneste jaqsy baılanys bar»,- dedi óńir basshysy Berdibek Saparbaev.
Aqtóbe Orynbordan qurylysqa qajetti tsement túrlerin, temir, tamaq, toqyma ónimderin tasymaldaıdy. Al Orynborǵa hrom, qurylys materıaldary tasymaldanyp jatyr. Búgin de iskerlik baılanysty nyǵaıtý úshin 1 myńnan astam orynborlyq arnaıy keldi.
«2004-2017 jyldary Aqtóbe men Orynbor arasyndaǵy saýda 7 ese ósti. 2017 jyly 106 mıllıon dollardy qurady. Baılanysty áli de damyta túsý kerek. Birinshiden, Batys Eýropa -Batys Qytaı halyqaralyq tasjolynda ǵana emes, jol boıyndaǵy bıznesti damytý kerek. Jol boıyndaǵy bıznes ıgerilmegen, kásipkerlerdiń kirisýine bolady. Óndiristik kooperatsııany damytý kerek. Óndiris aınalymy, tehnologııa, maman qaı salaǵa da jetpeı jatady. Biz bir-birimizge daıyn ónim shyǵarý jolynda kómektesip, birge damýymyz kerek»,- dedi Orynbor oblysynyń gýbernatory ıÝrıı Berg.
Orynborlyqtar Aqtóbeni ınvestor bolýǵa shaqyrdy. Ásirese, mádenıet, týrızm, bilim salasynda bos keńestik baryn jasyrmady. Osylaısha eki kórshiles oblys kommýnıkatsııalyq, kooperatsııalyq múmkindikti paıdalanyp, jańa naryqty baǵyndyrmaq.
Orynborda shyǵarylatyn tsementtiń birneshe túri Aqtóbedegi qurylys kompanııalaryna tasymaldanady. Sonymen qatar, temir Aqtóbe rels-arqalyq zaýytyna jetkiziledi. Al kórshi oblys Aqtóbeden metallýrgııa, mashına qurastyrarý, beıorganıkalyq hımııa, óndiristik, turmystyq zattar satyp alady. Hrom shıkizatyn Novotroıtsk hrom qosyndylary zaýyty, kvartsıtti Mednogorsk kombınaty, ferrohromdy «Ýralskaıa stalnaıa kompanııa» JShQ tasymaldap otyr. Orynborda kondıterlik tseh, rentgen zaýyty men qubyr arasyndaǵy qosyndyny tekseretin aqtóbelik kompanııa jumys isteıdi.
