Aqtóbede órtenip ketken úıden adamnyń denesi tabyldy
AQTÓBE. QazAqparat - Aqtóbe oblysy, Muǵaljar aýdany, Temir most aýylynda úı órtenip ketti. Úı ıesiniń denesi tabyldy, dep habarlaıdy QazAqparat tilshisi.
Búgin saǵat 11:50-de Muǵaljar aýdany Temir most aýylynda turǵyn úıden órt shyqqany týraly habarlama tústi. Shaqyrtý ornyna aýdandyq órt sóndirý bóliminiń jeke quramynan 3 adam, 1 tehnıka jiberildi.
«Órt 14:09-da tolyǵymen sóndirildi. Órttiń jalpy aýmaǵy 100 sharshy metrdi qurady.
Oqıǵa ornynda 1966 jylǵy úı ıesiniń denesi tabyldy. Qazirgi ýaqytta órtengen úıdiń bólshekterin taldaý jumystary júrgizilip jatyr», - dedi oblystyq TJD baspasóz qyzmeti.
