Aqtóbede órt sóndirý kólikterine kedergi keltiretin bloktar alyndy

AQTÓBE. KAZINFORM – Aqtóbe qalasyndaǵy aýlalarda temirbeton kedergiler alynyp jatyr. Bul órt sóndirý kólikteriniń emin-erkin qozǵalysy úshin qajet.

Aqtóbe oblysynyń polıtsııa jáne tótenshe jaǵdaılar qyzmetkerleri aýlalardy aralady. Munda turǵyndar bala qaýipsizdigi úshin temirbeton qoıyp tastaǵan. Bul órt sóndirý kezinde únemi kedergi keltiredi. Ári der kezinde kómek berýge qıyn. Sondyqtan reıd jasap, aldyn ala tazartý jumystaryn júrgizdi. 

— Órt sóndirý tehnıkalary kedergige kezikkende ýaqytyly kómek kórsete almaıdy. Mundaı derekter kezdesti. Monıtorıng kezinde Aqtóbe qalasynda kedergisi bar 40 úı anyqtaldy. On kúnde 10 úı aýlasyna kirer beton alyndy. Jyl sońyna deıin qalǵan 30 úıdegi kedergini alamyz. Oǵan tótenshe jaǵdaılar qyzmeti, polıtsııa, jergilikti ákimdikten turǵyn úı ınspektsııasynyń mamandary tartyldy. Sebebi eki aı buryn Aqtóbe qalasy aǵaıyndy Jubanovtar kóshesinde órt boldy. Temirbeton kesirinen qyzmetkerler 4-5 mınýt keshigip jetti. Mundaı jumystar Hromtaý, Alǵa, Muǵaljar aýdandarynda da júrgizilip jatyr, — dedi Aqtóbe oblystyq TJD bastyǵynyń orynbasary Aıbat Jańabergenov. 

Aıta keteıik, bıyl Aqtóbe oblysy aýmaǵynda 409 órt oqıǵasy tirkeldi. Saldarynan 11 adam kóz jumdy, 9-y túrli jaraqat aldy. 

Buǵan deıin Aqtóbeniń Altyn orda turǵyn alabynda turǵyn úı keshenderiniń aýlalardy qorshap, tipti balalardyń oınaýyna, sabaqqa barýyna kedergi keltirgenin jazbaǵan bolatynbyz.