Aqtóbede órt shyqqan turǵyn úıden 35 adam evakýatsııalandy
ASTANA. QazAqparat - Aqtóbede turǵyn úıdiń birinshi qabatynda ornalasqan «Kemer» dámhanasynan órt shyqty, dep habarlaıdy QazAqparat tilshisi QR ІІM Tótenshe jaǵdaılar komıtetine silteme jasap.
«Aqtóbe qalasyndaǵy Ábilqaıyr han dańǵylynda ornalasqan turǵyn úıdiń birinshi qabatyndaǵy «Kemer» dámhanasynan órt shyqqany týraly habar keldi. Onyń ashanasynda tutanǵan órt shatyrǵa ótip, 8 sharshy metrdi jalyn sharpyǵan. Órt sóndirýshiler 35 adamdy qaýipsiz jerge kóshirip, 5 adamdy, sonyń ishinde bir balany qutqardy», - delingen habarlamada.
Órt 22:24-te aýyzdyqtalyp, 22:30-da tolyqtaı sóndirildi.
Eshkim zardap shekpegen.
Órtti sóndirýge 14 adam jáne 4 tehnıka jumyldyrylǵan.
Kamıla Ámirova
