Aqtóbede órt kezinde qaza bolǵan aýyl ákimine «Erligi úshin» medali berildi
Aqtóbe oblysy, Áıteke bı aýdany, Sulýkól aýylynan órt shyǵyp, aýyl ákimi Batyrbek Birlepesov, muǵalim Joldybek Ábdisálimov, mektep kúzetshisi Jomart Smaılov jáne sharýa qojalyǵynyń jumysshysy Jańabaı Ábishev qaza bolǵan edi. Búgin Táýelsizdik kúnine arnalǵan saltanatty shara kezinde Aqtóbe oblysynyń ákimi Berdibek Saparbaev aýyldy aman alyp qalý úshin aıanbaı eńbek etken marqum Batyrbek Birlepesovke «Ergili úshin» medalin tabys etti. Medaldi qaza bolǵan aýyl ákiminiń aǵasy aldy.
«Baýyrym ári balam eńbekqor, halyq úshin aıanbaı jumys istegen adam. Ol aýylda, aýdanda memlekettik qyzmette eńbek etip, kásipkerlik salaǵa betburdy. Basqa salada jumys istep júrgen kezde ony aýyl ákimi bolýǵa shaqyrdy. Aýylda ákim bolǵanyna 2 jyl ótti. Sulýkólde bolǵan oqıǵany tótenshe jaǵdaı dep qabyldap, eshkimge kiná artqanymyz joq. Biz baýyrymyzdyń eńbegi elenip, marapatqa usynǵanyna rızamyz»,- dedi Ábdiǵanı Qoshanov.
Aıta keteıik, qaza bolǵan Batyrbek Birlepesovtyń otbasy Aqtóbe qalasyna kóship kelgen. Úsh nemeresin Ábdiǵanı Qoshanov baýyryna basyp, baǵyp otyr. Tótenshe jaǵdaı kezinde asyraýshysynan aıyrylǵan otbasyǵa memlekettik ótemaqy berildi. 