Aqtóbede onlaın sabaq kezinde beıádep habarlama jazǵanǵandar izdestirilip jatyr
AQTÓBE. QazAqparat - Aqtóbede №17 orta mektep oqýshylary onlaın sabaq kezinde beıádep sózderge tap boldy. Qazir oblystyq bilim basqarmasy polıtsııaǵa aryz túsirdi, dep habarlaıdy QazAqparat tilshisi.
Onlaın dáris kezinde seksýaldyq sıpattaǵy habarlama jazý deregi Aqtóbede de tirkeldi. Qaladaǵy №17 orta mekteptiń 6-synyp oqýshylary atynan beıádep sóz jazǵandardyń kim ekeni ázirge belgisiz.
«Sabaq barysynda balaǵat sózder jazǵan adam oqýshy emes. Oblystyq bilim basqarmasy jan-jaqty izdeý jumysyn júrgizdi. Mektepte matematıka sabaǵy bolǵan. Sol kezde oqýshynyń atymen Zoom platformasyna kiredi. Balaǵattaǵan kezde muǵalim birden platformadan shyǵaryp tastaǵan. Ol ekinshi balanyń atymen taǵy da onlaın sabaqqa kirgen. Qaıtalanǵanda Zoom platformasy jabylyp qalǵan. Oblystyq bilim basqarmasy polıtsııaǵa aryz túsirdi», - dedi oblystyq bilim basqarmasynyń bólim basshysy Gúlnaz Myrzaǵalıeva.
