Aqtóbede óńirdegi eń úlken sport kesheni ashyldy

AQTÓBE. QazAqparat – Aqtóbe qalasynda jalpy aýdany 5 myń sharshy metrdi quraıtyn sport kesheni ashyldy. «Bıznestiń jol kartasy» baǵdarlamasy aıasynda memlekettik qoldaýǵa ıe bolǵan joba óńirdegi sportty damytýǵa septigin tıgizedi, dep habarlaıdy QazAqparat tilshisi.

Aqtóbe qalasynda jalpy aýdany 5 600 sharshy metr quraıtyn «ALPHA GYM» sport kesheni ashyldy.

Bul - óńirdegi eń iri sport ǵımaraty.

Jańa sport kesheninde jattyǵý zaly, kross-fıt aımaǵy, uzyndyǵy 250 metr eni 3 metr bolatyn jarys joly, eki kúres zaly, oktagon qondyrylǵan jekpe-jek aımaǵy, balalarǵa arnalǵan kórkem gımnastıka zaly bar.

Sonymen birge horeografııa men ıogaǵa arnalǵan zaldar, stretchıng aımaǵy, skeıt parki, ústel tennısi men badmınton aımaǵy jabdyqtalǵan.

«Qazirgi tańda sport kesheninde kıkboksıng, dzıýdo, aralas jekpe-jek, grepplıng, kapoeıra sektsııalary men kórkem gımnastıka kásibı mektebi jumys isteıdi. Sport kesheniniń saltanatty ashylýyna Aqtóbe qalasynyń turǵyndarymen qosa jergilikti atqarýshy organdardyń, ekinshi deńgeıli bankterdiń jáne bıznes ókilderi qatysty. Sport kesheni jumysyn qyzý bastap ketti. Qazirgi kezde 150 sportshy kórkem gımnastıka sektsııasyna qatysyp júr. Ári qaraı da memlekettik tapsyryspen balalardy aqysyz qabyldaımyz», - dedi jattyqtyrýshylardyń bári Qanat Jadyrasynov.