Aqtóbede óndiris alańynda birinshi toqsanda 25 jazataıym oqıǵa boldy
AQTÓBE. KAZINFORM — Óndiristegi jazataıym oqıǵa kezinde barlyǵy 26 adam zardap shekken. Byltyrǵyǵa qaraǵanda ósim 18 paıyzdan asyp tur.
Aqtóbe oblystyq eńbek ınspektsııasy basqarmasy jyldyń birinshi toqsanyn qorytyndylady. Oblysta qazir 900-den astam óndiristik keńes jumys istep tur. Sonymen birge 1500-den astam tehnıkalyq ınspektor bar. Soǵan qarmastan óndiriste jaraqat alǵan adam sany artqan.
— Bıyl birinshi toqsanda óndiriste 25 jazataıym oqıǵa tirkeldi. Onda 26 adam zardap shekti. Ótken jyldyń sáıkes kezeńimen salystyrǵanda ósim 18,2% qurap otyr. Óndiriste ólim-jitim tirkelmedi. Jazataıym oqıǵalardyń negizgi sebebi — qaýipsizdik talaptary saqtalmaıdy, táýekeldi durys baǵalamaıdy jáne baqylaý jetkiliksiz, — dep habarlady Aqtóbe oblystyq eńbek ınspektsııasy basqarmasy.
Aıta keteıik, Qazaqstanda byltyr óndiristik jazataıym oqıǵalar sany 1380-ge jetti. Óndiristik jaraqattaný deńgeıiniń tómendeýi tirkeldi.
