Aqtóbede on qabatty ǵımarattyń shatyrynan dekoratıvti element qulap tústi

Ol jolaı birneshe kondıtsıonerdi qulatyp, dúkenniń shatyryna túsken. Abyroı bolǵanda zardap shekkender joq. Oqıǵa 6 aqpanǵa qaraǵan túni oryn aldy.

«Keltirilgen shyǵyn somasyn áli bilmeımin. Ótken jyly shatyrymyzǵa kúrdeli jóndeý jasaǵan bolatynbyz. Jumystarǵa 800 myń teńge tóledik», - dedi «Dıapazon» basylymyna suhbat bergen «Tost» JShS-nyń dırektory Baqyt Súleımenov (konstrýktsııanyń synyqtary túsken dúkenniń ıesi).

Ótken jyldyń tamyz aıynda osy úıdiń turǵyndary basylymnyń redaktsııasyna shaǵymdaryn jetkizgen bolatyn. 2014 jyly «GEMBA» JShS-nyń almatylyq merdigerleri úıleriniń shatyryna qalanyń kórkin keltirý úshin bezendirýler ornatqan. Osydan keıin shatyrdan páterlerge sý aǵa bastaǵan. Tehnıkalyq baǵalaý anyqtaǵandaı, bezendirýdi ornatý úshin burǵymen shatyrdy tesip ótken. Dekoratıvti qurylǵy parýs ispetti jumys isteıdi. Jel uıytqyǵan saıyn ol qozǵalyp, tesikter ulǵaıa túsedi.

Medıatsııalyq kelisim boıynsha «GEMBA» JShS 2016 jyly birqatar jumystardy oryndaýǵa mindetteldi. Sonyń ishinde, 1-7 kireberister aralyǵy boıyndaǵy dekoratıvti elementterdiń 27 negizgi bekitkishterin óz qarjylaryna qaıta montajdaýy tıis boldy.

Jumystar júrgizildi, biraq onyń sapasyna turǵyndardyń jáne PIK-tiń kóńili tolmady. Merdigerlermen daý-damaı áli kúnge deıin jalǵasýda.

foto avtory: Vladımır Zobenko, diapazon.kz