Aqtóbede olımpıadalyq rezerv kolledji ashyldy
ASTANA. QazAqparat - Aqtóbede olımpıadalyq rezerv kolledji ashyldy. Eset batyr atyndaǵy mektep-ınternatynyń túlekteri óz bilimderin atalǵan kolledjde jalǵastyryp, oqytýshy-jattyqtyrýshy mamandyǵyn ala alady, dep habarlaıdy «Dıapazon».
Jańa oqý jylynda jergiliki bılik daryndy balalardyń kásibı sportpen aınalysýyna barlyq jaǵdaıdy jasady. Kolledjdiń saltanatty ashylý sharasyna oblys ákiminiń orynbasary Erbol Nurǵalıev qatysty.
«Oblys boıynsha 8 mektep jáne 3 kolledj paıdalanýǵa berildi. Olardyń qatarynda sporttyń damýyna múmkindik beretin osy kolledj de bar. Biz bul oqý ornynyń Batys aımaqtaǵy eń bedeldi bilim mekemeleriniń birine aınalatynyna senemiz», - dedi Erbol Nurǵalıev.
