Aqtóbede oqýshysy az mektepter jabylady
Aqtóbe oblysyndaǵy Mártók, Qarǵaly aýdandarynda mektepke baratyn bala tabylmaı jatyr. Oblystyq bilim basqarmasy oqýshysynan muǵalimi kóp mektepterdi jaýyp, balalardy mektep-ınternattarǵa ornalastyrýdy josparlap otyr.
«Aqtóbe oblysynda mektepterdi ońtaılandyrý jumystary júrip jatyr. Máselen, Mártók aýdanynda 2 mektepti jabý josparlanýda. Bireýi mindetti túrde jabylady. Sebebi, mektepke tek úsh bala barady. Negizi mektepterdi jappas buryn aýdan ortalyqtarynyń bárine mektep-ınternat salynady. Eger mektepke baratyn bala bolmasa, onda bilim ordasyn ustap turý tıimsiz»,- dedi Aqtóbe oblystyq bilim basqarmasynyń basshysy Lázzat Orazbaeva.
Aıta keteıik, Qarǵaly aýdanynda bir mektep jabylyp, orta mektep negizgi mektepke aýystyryldy.
«Maqsatymyz mektep jabý emes, ekonomıkalyq turǵyndan tıimdi sheshim qabyldaý. Balalardyń bárine zamanaýı bilim berýimiz kerek. Sondyqtan mektep-ınternat salynady nemese oqýshylar tasymaldanady»,- dedi Lázzat Orazbaeva.
