Aqtóbede oqýshyny zorlaǵan kúdikti izdestirilip jatyr
AQTÓBE. QazAqparat – Aqtóbe qalasyndaǵy mektepterdiń birinde oqıtyn oqýshy qyzǵa seksýaldyq zorlyq-zombylyq kórsetken kúdikti izdestirilip jatyr, dep habarlaıdy QazAqparat tilshisi.
Birqatar BAQ-ta jarııalanǵan málimetke súıensek, oqıǵa 12 jeltoqsan kúni tús mezgilinde boldy. Belgisiz er adam 9 jasar oqýshy qyzdy óz úıinde zorlaǵan. Páter esigin aldap ashtyrtqan. Polıtsııa qyzmetkerleri qazir temirjol vokzaly mańyn baqylaýǵa aldy.
«Polıtsııa qyzmetkerleri kámeletke tolmaǵan balaǵa qatysty aýyr qylmys jasaǵan kúdiktini anyqtaý jáne ustaý boıynsha jedel izdestirý sharalaryn júrgizip jatyr. Sotqa deıingi tergeý amaldary bastaldy. Atalǵan qylmysty ashýǵa, sondaı-aq oǵan qatysy bar kúdikti azamatty ustaýǵa baǵyttalǵan jedel-tergeý is-sharalaryn Aqtóbe oblysy Polıtsııa departamentiniń bastyǵynyń ózi basqardy. Oǵan qosa tájirıbeli qyzmetkerler tartyldy», - dep habarlandy oblystyq Polıtsııa departamentiniń áleýmettik jelidegi resmı paraqshasynda.
