Aqtóbede oqýshylarǵa mantý ornyna BTsJ salý oqıǵasyna qatysty tergeý júrip jatyr

ASTANA. QazAqparat – Densaýlyq saqtaý mınıstri Ajar Ǵınııat Aqtóbedegi mektep oqýshylaryna mantý ornyna týberkýlezge qarsy vaktsına salǵan medbıkeniń qyzmetinen ketýine qatysty pikir bildirdi, dep habarlaıdy QazAqparat tilshisi.

«Bul is onyń jumystan bosatylǵanyna nemese jumysyn jalǵastyrǵanyna qaramastan, quqyq qorǵaý organdaryna jiberildi. Osy derek boıynsha tergeý amaldary júrgizilip jatyr. Onyń jumystan óz erkimen ketýi týraly aryz jazǵanyna toqtalsaq, osyndaı sheshim jasaý - onyń quqyǵy. Atap aıtqanda, tergeý amaldary júrip jatyr», - dedi Ajar Ǵınııat Úkimet otyrysynan keıin tilshiler suraǵyna jaýap bere otyryp.

Budan buryn habarlanǵandaı, bıyl qyrkúıek aıynda Aqtóbede 42 oqýshyǵa mantý synamasynyń ornyna BTsJ salynǵan.

Osy oraıda Densaýlyq saqtaý mınıstrligi bul derek boıynsha qyzmettik tekserýdi bastady.

Sonymen qatar bul oqıǵaǵa qatysty qylmystyq is qozǵaldy.

Tekserý kezinde medbıke ekpe ampýlasyn shatastyryp alǵany anyqtaldy.

Elimizdiń jetekshi mamandary mantý synamasynyń ornyna vaktsına alǵan aqtóbelik oqýshylardy tekserdi.