Aqtóbede oqýshylardyń bir bóligi sabaqty qashyqtan oqıdy

AQTÓBE. QazAqparat - Aqtóbede karantın shekteýi kúsheıtildi. Endi oqýshysy 600-den asatyn mektep balalary onlaın bilim alady, dep habarlaıdy QazAqparat tilshisi.

Aqtóbe oblystyq sanıtarııalyq-epıdemıologııalyq baqylaý departamenti jańa qaýlyny jarııalady.

Endi 600 oqýshysy bar mektepter ǵana dástúrli formatta oqýdy jalǵastyrady. Qaýlyǵa súıensek, aýyl mektepterine mundaı shekteý qoıylmaıdy.

Al qaladaǵy mektepte oqýshy sany 600-den asyp ketse, aralas formatqa kóshiriledi.

«Mektep ákimshiligi sheshim qabyldap, 1-2 synyp oqýshylaryn dástúrli formatta oqytsa, 3-5 synyp oqýshylary úshin kezekshi synyp ashý qarastyrylǵan. Kolledjder men joǵary oqý oryndarynyń stýdentterin aralas formatta oqytý (barlyq dárister onlaın, praktıkalyq, zerthanalyq, semınarlyq sabaqtar ıkemdi keste boıynsha shtattyq formatta) kerek. Oqý orny ákimshiliginiń qalaýy boıynsha vaktsınatsııalaýdyń tolyq kýrsyn aıaqtaǵan stýdentter men oqýshylardy shtattyq rejımde oqytýǵa jol beriledi. Mektepten tys uıymdarda jeke sabaqtar kezinde shtattyq rejım saqtalsa, toptyq sabaqtar kezinde tek on balany qabyldaýǵa ruqsat. Múmkindiligi shekteýli balalarǵa, eresekterge arnalǵan túzetý kabınetterinde adam sany 8-den aspaýy tıis»,- dep jazylǵar jańa qaýlyda.