Aqtóbede oqýshylar tóbelesip, bireýi aýrýhanaǵa tústi
AQTÓBE. QazAqparat – Aqtóbede oqýshylar tóbelesip, bireýi jaraqat aldy, dep habarlaıdy QazAqparat tilshisi.
Aqtóbe oblystyq polıtsııa departamentine mektep oqýshysynyń ata-anasy aryz túsirdi. Aryzda 11 synyp oqýshysynyń dene jaraqatyn alǵany jazylǵan.
«17 qańtar kúni Aqtóbe qalasyndaǵy mektepterdiń birinde úsh oqýshy tóbelesken. Bireýi dene jaraqatymen aýrýhanaǵa tústi. Dárigerler qaraǵan soń ony úıine jiberdi. Osy derek boıynsha Qylmystyq kodekstiń «Buzaqylyq» babymen is qozǵaldy. Sot saraptamasy taǵaıyndaldy. Tergeý júrip jatyr. Mektep ınspektory jábirlenýshi men kúdiktini, ata-analaryn kezdestirip, áńgime júrgizdi», - dedi PD baspasóz qyzmetiniń jetekshisi Erbolat Sarqulov.
Aıta keteıik, osy oqıǵadan keıin №10 orta mektepte jasóspirimder arasyndaǵy qylmystyń aldyn alý maqsatynda ata-analarmen, oqýshylarmen jıyn ótti.
«Balalardy ata-anasy, mektep baqylaýda ustaýy qajet. Oqýshy kezinde buzyq bolǵan bala kóbine eseıgendi qylmys jasap jatady», - dep atap ótti oblystyq polıtsııa departamenti jergilikti polıtsııa qyzmeti basqarmasynyń bastyǵy Ardana Saımaǵambetov.
