Aqtóbede oqýshylar tóbelesinen soń qylmystyq is qozǵaldy
AQTÓBE. QazAqparat -Aqtóbede mektep oqýshylary tóbelesip, bireýi pyshaq jaraqatymen aýrýhanaǵa tústi. Qazir osy oqıǵa boıynsha tergeý bastaldy, dep habarlaıdy QazAqparat tilshisi.
«Aqtóbe qalasynda mektep oqýshylary arasynda tóbeles bolyp, Qylmystyq kodekstiń «Buzaqylyq» baby boıynsha is qozǵaldy. Sotqa deıingi tergeý jumystary júrip jatyr. Tóbelestiń sebebi anyqtalady. Ári osy baǵyttaǵy qylmystyń aldyn alý maqsatynda ıývenaldy polıtsııa qyzmetkerleri birqatar túsindirý jumystaryn júrgizip jatyr», - dep habarlady oblystyq polıtsııa departamentiniń baspasóz qyzmeti. Sonymen qatar, Aqtóbe qalasy ákimdigi janyndaǵy kámelet jasyna tolmaǵandardyń quqyǵyn qorǵaý komıssııasyna qujattar daıyndalady.
Aıta keteıik, Aqtóbede oqýshylar arasynyda tóbeles jıilep ketti. Taıaýda daryndy balalar mektep-ınternatynda tóbeles bolyp, bir oqýshy pyshaq jaraqatymen aýrýhanaǵa túsken bolatyn. Sonymen qatar, taǵy bir mektep oqýshysynyń biri ekinshisine pyshaq ala júgirdi.
