19:17, 17 Jeltoqsan 2022 | GMT +6
Aqtóbede oqýshylar mingen mınıven aýdarylyp, bir bala kóz jumdy
ASTANA. QazAqparat - Aqtóbede jattyqtyrýshy men balalar mingen kólik jol apatyna ushyrap, bir bala kóz jumdy, dep habarlaıdy Polisia.kz.
2022 jylǵy 17 jeltoqsanda Aqtóbe-Bolgarka-Shubarqudyq tasjolynyń 68 shaqyrymynda Temir aýdanynyń 32 jastaǵy turǵyny basqarǵan «Toyota Estima» avtokóligi aýdaryldy.
Avtokólik ishinde 11 adam, onyń ishinde 2010-2011 jyldary týǵan 9 bala boldy. Olar Shubarqudyq aýylynan Aqtóbe qalasyna voleıboldan jarysqa qatysý úshin shyqqan.
Oqıǵa saldarynan 1 bala jol-kólik oqıǵasy bolǵan jerde kóz jumdy, qalǵan 8 bala Aqtóbe qalasyndaǵy Oblystyq balalar aýrýhanasyna jetkizildi.
