Aqtóbede oqýshylar mingen avtobýs aýdarylyp qaldy
AQTÓBE. QazAqparat - Aqtóbe qalasy mańynda balalar mingen avtobýs aýdarylyp, jedel járdem shaqyryldy, dep habarlaıdy QazAqparat tilshisi.
Aqtóbe oblystyq densaqtaý basqarmasynyń baspasóz qyzmetiniń habarlaýynsha, jol-kólik oqıǵasy týraly habarlama saǵat 11:01-te túsken. Jedel járdemniń 7 brıgadasy oqıǵa ornyna jetip, barlyǵy 19 adamdy aýrýhanaǵa apardy.
«Soltústik aınalma jolda, ıaǵnı, Rodnıkovka aýyly trassasynda avtobýs pen jeńil kólik soqtyǵysyp qalǵan. Zardap shekkenderdiń bári saǵat 11:10-da aýrýhanaǵa jetkizildi. Aýyr jaralanǵan eshkim joq. Olar jedel járdem aýrýhanasyna, balalar aýrýhanasy men oblystyq medıtsına ortalyǵyna jetkizildi», - dep habarlady oblystyq densaýlyq saqtaý basqarmasynyń baspasóz qyzmeti.
Qazir aýrýhanada oblys basshylyǵy men polıtsııa departamentiniń ókilderi júr.
