Aqtóbede oqýshy qyzdar arasyndaǵy tóbelestiń sebebi anyqtaldy
AQTÓBE. QazAqparat – Aqtóbede úsh aýyldyń mektep oqýshylary bir-biriniń sózin kótere almaı, tóbelesip qalǵan. Bul týraly oblystyq bilim basqarmasy basshysynyń orynbasary aıtyp berdi, dep habarlaıdy QazAqparat tilshisi.
Aqtóbedegi oqýshylar tóbelesinen soń qylmystyq is qozǵaldy. Ata-analar da jaýapqa tartylýy múmkin.
Aqtóbe oblystyq bilim basqarmasy tóbelestiń negizgi sebebin atady.
«20 qyrkúıek kúni qyzdar tóbelesken. Keńqııaq, Shubarshı, Sarkól aýylyndaǵy 10 qyz bir-biriniń sózin kótere almaǵan. Olar aldymen áleýmettik jelidegi ortaq chat arqyly urcysqan. Balaǵat sóz aıtqan. Negizgi sebebi - osy. Keıin kezdesip, tóbelesken. Tóbelesti arnaıy vıdeoǵa túsirip, ózderi áleýmettik jelidegi paraqshaǵa júktedi. Jábirlenýshi qyz dene jaraqatyn almaǵan. Oqıǵadan soń lezde Temir aýdandyq bilim bólimi, polıtsııa bóliminen arnaıy monıtorıng toby qurylyp, zerdeleý jumysy júrgizildi», - deıdi oblystyq bilim basqarmasy basshysynyń orynbasary Nurgúl Bertileýova.
Aıta keteıik, qazirgi kezde tóbelesken qyzdardyń ata-anasy ortaq mámilege keldi. Olardyń bári - 8, 9, 10 synyp oqýshylary.
Arasynda bir otbasynyń eki qyzy da bar.
Osy oqıǵadan soń úsh mektep dırektory, tárbıe isi jónindegi orynbasarlar men synyp jetekshilerine tártiptik jaza qoldanyldy.
