Aqtóbede oqýshynyń ólimine baılanysty jumys toby quryldy
AQTÓBE. KAZINFORM – Temir aýdany Qopa aýylyndaǵy oqýshy óliminen soń oblystyq bilim basqarmasynda jumys toby quryldy.
Oqýshylar arasyndaǵy tóbeles, jasóspirim óliminiń sebep-saldaryn zerdeleý jónindegi jumys jumys toby quryldy.
- Temir aýdany Qopa aýylynda mektep oqýshylary arasynda janjal týyp, tóbeles boldy. Sonyń saldarynan 9 synyp oqýshysy qaza boldy. Osy oqıǵa boıynsha zerdeleý júrgizý úshin Aqtóbe oblysy bilim basqarmasynyń basshysy bastaǵan arnaıy jumys toby quryldy. Jumys tobynyń quramyna oblystaǵy bala quqyǵy jónindegi ýákil de engizildi. Jumys tobynyń qorytyndysy shyǵarylǵannan keıin qosymsha habarlanady. Qazirgi tańda atalǵan oqıǵa boıynsha tergeý bastaldy. Іstiń mán-jaıy ázirge anyqtalǵan joq,- dedi Aqtóbe oblysy bilim basqarmasy basshysynyń orynbasary Nurgúl Bertileýova.
Eske salsaq, oqıǵa 2 qyrkúıek kúni túnde boldy. Qazirgi kezde eki adam ustalyp, tergeý júrip jatyr.
