Aqtóbede oqýshynyń denesi tabyldy

AQTÓBE. KAZINFORM – Aqtóbede búgin tańda aýladan oqýshynyń denesi tabyldy. Qazir tergeý júrip jatyr. 

Búgin saǵat 7:30 shamasynda Aqtóbe qalasy Maresev kóshesindegi úıdiń aýlasynan kámeletke tolmaǵannyń máıiti tabyldy.

— Oqıǵa ornyna kelgen jedel-tergeý toby máıitte zorlyqpen óltirý belgileri joq ekenin anyqtady. Balanyń qaıtys bolý sebebin anyqtaý úshin saraptama taǵaıyndaldy, - dep habarlady oblystyq PD baspasóz qyzmeti.

Aqtóbe oblystyq veterınarııa basqarasynyń basshysy Aıbek Sembaıdyń aıtýynsha, ıt qapty degen aqparat shyndyqqa janaspaıdy.

— Qazirgi kezde tekserý júrip jatyr. Balanyń denesinde qandaı da bir iz, tistiń basqany belgisi joq, - dedi Aıbek Sembaı.

Polıtsııa da ıttiń qapqanyn joqqa shyǵardy. Kıiminde esh iz bolmaǵan.

Ótken aptada Qobdada oqýshylar ýlanyp qaldy. Bir kúnnen soń balalardyń bári aýrýhanadan shyqty. Epıdemıologtar tekserýinen soń óz qorytyndysyn aıtty.