Aqtóbede oqýshylardyń ýlaný deregi boıynsha tergeý júrip jatyr

AQTÓBE. KAZINFORM - Aqtóbe qalasynda 6 oqýshynyń astan ýlaný deregi boıynsha is qozǵalyp, tergeý júrip jatyr. Polıtsııa birneshe saraptama qorytyndysyn kútip otyr.

Aqtóbe qalasynda oqýshylardyń astan ýlaný deregi bir aı buryn tirkelgen. 

- 13-14 qazan kúnderi №16 orta mektebiniń 6 oqýshysy oblystyq klınıkalyq aýrýhanasyna túsýi boıynsha oblystyq sanıtarııalyq-epıdemıologııalyq baqylaý departamenti tekserý júrgizdi. Nátıjesinde mektep as blogynda buzýshylyq anyqtalmaǵandyǵy týraly sheshim shyǵaryldy,- dep habarlady Aqtóbe oblystyq bilim basqarmasynyń baspasóz qyzmeti. 

Osy oqıǵaǵa qatys polıtsııa da pikir bildirdi.

- Іs tergelýde. Saraptamalar taǵaıyndaldy. Sonyń qortyndysy kútip otyrmyz,- dedi oblystyq PD baspasóz qyzmeti.

Buǵan deıin habarlaǵanymyzdaı, mektepte jappaı ýlaný deregi tirkeldi. Epıdemıolog mamandar tórteýinde gastrıt, ekeýinde salmonellez anyqtalǵan.