Aqtóbede oqýshylar búgin qashyqtan oqyp jatyr

AQTÓBE. KAZINFORM – 1-11 synyp oqýshylary onlaın oqýǵa kóshti. Bul týraly Aqtóbe oblystyq bilim basqarmasy habarlady.

Qazirgi kezde Aqtóbede 1-8 synyp oqýshylary onlaın bilim alyp jatyr. Degenmen tústen keıin de qashyqtan oqytýǵa sheshim shyqty.

- Aýa raıynyń qolaısyzdyǵyna baılanysty ekinshi aýysymda oqıtyn 1-11 synyp oqýshylary qashyqtan oqytý formatyna aýystyryldy. Oblystaǵy barlyq bilim berý uıymdary onlaınǵa kóshti, - dep habarlady Aqtóbe oblystyq bilim basqarmasy.

Óńirdegi sınoptıkter 16-22 jeltoqsan kúnderi aralyǵynda aıaz ben jel kúsheıetinin habarlady. Ásirese 16-18 kúnderi aralyǵynda jeldiń jyldamdyǵy sekýndyna 15-17, keı jerlerde 20 metrge jetedi. Aýa temperatýrasy -10-13, keı jerlerde túnde 15-20 gradýs aıaz bolady.

Aıta keteıik, buǵan deıin ShQO-da maýsymdyq tumaý men jedel respıratorlyq vırýstyq ınfektsııa órship, mektepterde keıbir synyp balalary onlaın bilim aldy. Búginde oblystaǵy barlyq bilim berý uıymdarynda oqý protsesi dástúrli formatqa kóshken.