Aqtóbede oqýshy soqqyǵa jyqqan qarııaǵa psıhologter kómektesip jatyr
AQTÓBE. KAZINFORM – 71 jastaǵy qarııanyń qol, aıaǵyndaǵy kesilgen jerin dárigerler tigip berdi. Sonymen birge júıke júıesi qatty zardap shekken qartqa psıholog mamandar kómektesedi.
Aqtóbe qalasyndaǵy aýrýhanada em alyp jatqan qarııanyń jaǵdaıy ortasha aýyr. Dárigerler 2 qarasha kúni saǵat 01:40-ta jetkizilgen qarııanyń jarasyn tańyp berdi. Sonymen birge onyń qabyrǵasy synǵanyn anyqtady.
- Bes jerinen jaraqat alǵan. Qol-aıaǵynda soqqynyń izderi bar. Sonymen birge ol shok alǵan. Qazir jaǵdaıy turaqty, kerekti emniń bárin alyp jatyr. Kún saıyn psıhologter qarap, áńgemelesedi. Óz áńgimesin aıtqanymen, qulaǵy nashar estigen soń suraqtarǵa durys jaýap bermeıdi. Ázirge aýrýhanada jatyp, emin jalǵastyrady. Kelesi apta qaıta qarap, ýchaskelik dárigerdiń baqylaýyna jiberýimiz múmkin. Jaǵdaıy ortasha aýyr. Barlyq kerek emdi túgel alyp jatyr, - dedi №1 kópsalaly qalalyq aýrýhanasynyń bas dárigeri Qadirbek Imanbaev.
Eske salsaq, Aqtóbede oqýshy anasyn óltirip, ájesin pyshaqtady. Qazir qylmystyq is qozǵalyp, tergeý júrip jatyr. Oqýshy óz kinásin moıyndady. Oqıǵanyń sebebi áli aıtylmady.