Aqtóbede oqýshy esinen tanǵan qyzdy aman alyp qaldy

Aqtóbedegi Ahmet Baıtursynuly atyndaǵy lıngvıstıkalyq mektep-gımnazııanyń 11«B» synyp oqýshysy Meıirbek Nurjanov adam ómirine arasha tústi, dep habarlaıdy Kazinform.

Bul jaıynda oblys ákimdiginiń baspasóz qyzmeti málimet taratty.

Oqýshy mektepishilik voleıbol úıirmesinen shyqqan soń mektep janyndaǵy «Sosedýshka» dúkenine soǵady.

Dúken ishinde 18 jastaǵy qyzdyń qulap bara jatqanyn kórip, dereý qımyldaıdy.

Qyzdyń aıaq astynan ustamasy (epılepsııa) ustaǵan. Tilin jutyp bara jatqanyn kórip, jedel járdem qyzmeti kelgenshe alǵashqy kómek kórsetedi.

Esin jıǵan qyzdyń jaqyndary Meıirbekke alǵys aıtqan. 

«Meıirbektiń bul meıirimdi isi — kópke úlgi» deıdi ákimdikten.