Aqtóbede oqý aqysyn birden 93% kótergen kolledj dırektory sheshimin ózgertti
AQTÓBE. KAZINFORM – Kolledj dırektory Talǵat Mýstekenov áleýmettik jelidegi paraqshasy arqyly málimdeme jasady. Ol sheshimin ózgertkenin aıtty. Bıyl oqý aqysy kóterilmeıdi.
Aqtóbe qalasyndaǵy joǵary kópsalaly «Bolashaq» kolledjiniń dırektory oqytýshylardyń jalaqysy kóterilgenin aıtty. Sáıkesinde oqy aqysy ósken. Alaıda stýdentter men ata-analardyń shaǵymynan soń sheshimin ózgertti.
- 2026-2027 oqý jyldaryndaǵy barlyq shyǵyn eskerildi. Oqytýshylardyń jalaqysynyń kóterilýine baılanysty oqý aqysyn ósken bolatyn. Shyǵyndy basqa qarajat kózin qarastyryp, oqý aqysyn kótermeý týraly sheshim qabyldadyq,- dedi joǵary kópsalaly «Bolashaq» kolledjiniń dırektory Talǵat Mýstekenov.
Eske salsaq, dúısenbi kúni kolledjdiń stýdentteri men ata-analar oqý aqysynyń birden 200 000 teńgege óskenin aıtyp, tilshiler arqyly shaǵymyn jetkizdi.
Aqtóbe oblystyq bilim basqarmasy kolledjdegi oqý aqysynyń kóterilýine qatysty túsinikteme berdi. Basqarmanyń habarlaýynsha, jeke oqý ornynda memlekettik tapsyrys joq, sáıkesinshe mundaǵy oqý aqysyna aralasý múmkin emes bolǵan.
