Aqtóbede ókpesi qabynǵandar sany 6 ese ósti: Olardy týberkýlez dıspanserinde emdeıdi
AQTÓBE. QazAqparat – Aqtóbe oblysy boıynsha 1200-den astam adam ókpeniń qabynýy dertimen aýrýhanaǵa túsken. Qazir óńirde qosymsha statsıonar daıyndalyp jatyr, dep habarlaıdy QazAqparat tilshisi.
«Ókpeniń qabynýy derti 15 maýsymnan bastap kóp tirkeldi. Maýsym aıynyń alǵashqy aptasynan beri naýqastar sany 6 ese ósken. Naýqastar úshin aýrýhanalardyń bári daıyndaldy. Qazir týberkýlezge qarsy dıspanserge dezınfektsııa jasalyp, onda jatqan adamdardyń keıbiri úıine shyǵaryldy. Al 55 adam Temir aýdany dıspanserine jiberildi. Olarǵa qajetti dárigerler de aýdanǵa baryp, em júrgizedi. Ózge dárigerler jumysyn jalǵastyrady. Dıspanser erteń qabyldaýdy bastaıdy. Munda 400 kereýet bar», - dedi oblystyq densaýlyq saqtaý basqarmasy basshysynyń mindetin atqarýshy Svetlana Esenamanova.
Aıta keteıik, buǵan deıin ókpeniń qabynýy dertinen 18 adam kóz jumdy.
Sońǵy táýlikte taǵy 4 adam qaıtys boldy.
Qazir 10 adam jasandy tynys alý apparatyna qosylǵan.
