Aqtóbede ókpeniń qabynýynan kóz jumǵandar sany artty
AQTÓBE. QazAqparat – Aqtóbede ókpeniń qabynýy dertine shaldyǵyp, kóz jumǵandardyń basym bóligi egde jastaǵy adamdar, dep habarlaıdy QazAqparat tilshisi.
Aqtóbe oblysy boıynsha sońǵy táýlikte 27 adamnan koronavırýs ınfektsııasy anyqtaldy. Sonymen birge osy aıda ókpeniń qabynýy derti dendep barady.
«Mamyr-maýsymda pnevmanııa kúrt ósti. Sońǵy 2 kúnde táýligine 90 adam jetkizildi. Eki kún buryn qabyldaýdy bastaǵan temirjol aýrýhanasynda 190 adam pnevmanııadan em qabyldap jatyr. Jaǵdaıy ortasha aýyr, tynys alýlary nasharlaǵan. Aýrýhanaǵa túskenderdiń bárinen PTR synama alynady. Eger koronavırýs rastalsa, birden ınfektsııalyq aýrýhanaǵa jiberiledi. Qalada barlyǵy 296 naýqasqa osy dıagnoz qoıylǵan. Bizde bul baǵytta 446 kereýet daıyndaldy», - dedi oblystyq densaýlyq saqtaý basqarmasy basshysynyń orynbasary Svetlana Esenamanova.
Onyń aıtýynsha, qazirgi kezde Aqtóbe qalasyndaǵy temirjol aýrýhanasynda ǵana bos kereýet bar.
«Sáýir aıymen salystyrǵanda mamyrda ókpeniń qabyný deregi 6 ese kóbeıdi. Jedel járdemdi shaqyrý deregi sońǵy aptada eki ese artty. Munyń naqty sebebin aıta almaımyz. Tekserý kezinde ókpe jumysynyń buzylǵany da anyqtaldy. Barlyǵy osy dertten 8 adam kóz jumdy», - dedi Svetlana Esenamanova.
