Aqtóbede ókpeni jasandy jeldetý apparatyna qosylǵan eshkim joq
AQTÓBE. QazAqparat – Aqtóbede oblysy boıynsha sońǵy táýlikte 2 adamnan koronavırýs ınfektsııasy anyqtaldy. Qazir ókpeni jasandy jeldetý apparatyna qosylǵan eshkim joq, dep habarlaıdy QazAqparat tilshisi.
Bir táýlikte óńirde 205 adam koronavırýs ınfektsııasynan aıyqty. Oblys boıynsha barlyǵy 3085 adam indetke shaldyqsa, onyń 2059-y jazyldy. Ótken táýlikte taǵy 2 adamnan vırýs anyqtalǵan. Qazirgi ýaqytta olar ınfektsııalyq aýrýhanaǵa jatqyzyldy. Úı qarantınindegi 523 adam baqylaýǵa alynǵan. Oblystyq densaýlyq saqtaý basqarmasynyń basshysy Samat Danııarovtyń aıtýynsha, indet bastalǵan kúnnen beri barlyǵy 69 sheteldik em qabyldady. Onyń 10-y koronavırýs ınfektsııasyn juqtyrǵan. Ekeýi Qytaı, ekeýi Ózbekstan, altaýy Reseı azamaty. Ózgesi pnevmonııaǵa shaldyqqan.
«Infektsııalyq jáne provızorlyq gospıtaldarda 644 naýqas jatyr. Onyń ishinde 111-i aýdandyq aýrýhanalarda. Kóbi Qarǵaly men Shalqar aýdanynda. Oblys boıynsha 6 naýqas jansaqtaý bóliminde jatyr. Al ókpeni jasandy jeldetý apparatyna qosylǵan eshkim joq», - dedi Samat Danııarov. Sonymen birge oblystyq balalar aýrýhanasyndaǵy provızorlyq ortalyqta 10 bala em qabyldap jatyr.
