Aqtóbede oblysynda borandy kúni jolda qalǵandar qutqaryldy

AQTÓBE. QazAqparat - Aqtóbe oblysynda qar jaýyp, boran soǵyp tur. Tótenshe jaǵdaılar departamentiniń qyzmetkerleri jolda qalǵandardy qutqarý jumysyn júrgizdi, dep habarlaıdy QazAqparat tilshisi.

Aqtóbe oblystyq tótenshe jaǵdaılar departamenti baspasóz qyzmetiniń habarlaýynsha, 112 qutqarý qyzmetine «Qarabutaq-Qostanaı» tasjolynyń 85-shaqyrymynda jeńil kólik buzylyp, ishinde naýqas adam bar ekeni týraly aqparat túsken. Qutqarýshylar 4 adamdy Áıteke bı aýdanynyń ortalyǵy T. Júrgenov aýylyna jetkizdi.
«Samara-Shymkent» tas jolynyń 879-shaqyrymynda «Mersedes» markaly avtokólik buzylyp qalǵan. Qutqarýshylar bul joly 4 adamdy Hromtaý qalasyna jetkizdi. Jolǵa shyqqanda aýa raıy týraly eskertýge beıjaı qaramaýǵa shyqyramyz», - dedi oblystyq TJD baspasóz qyzmeti.

Aıta keteıik, 16 sáýir kúni túnde Aqtóbe oblysynyń basym bóliginde, kúndiz oblystyń shyǵysynda, ońtústiginde burqasyn bolady. Oblystyń shyǵysynda kóktaıǵaq. Soltústik-shyǵystan, soltústikten jel soǵady. Al, Aqtóbe qalasynda burqasyn bolady. Soltústik-shyǵystan, soltústikten soǵatyn jeldiń jyldamdyǵy 15-20 m/s jetedi dep boljandy.

Foto: oblystyq TJD baspasóz qyzmeti