23:55, 27 Sáýir 2021 | GMT +6
Aqtóbede oblystyq mýzeı jumysyn qaıta jandandyrdy
AQTÓBE. QazAqparat – Aqtóbe oblystyq tarıhı-ólkentaý mýzeıi jumysyn qaıta jandandyrdy, dep habarlaıdy QazAqparat tilshisi.
Aqtóbede búgin mýzeı jumysy qaıta jandandy. Oblystyq tarıhı-ólketaný mýzeıi endi bir sátte 25 adamǵa qyzmet kórsete alady.
«Shekteý sharasy jeńildegen kezde mýzeıdiń jumys isteýine ruqsat berildi. Qyzmetkerler ótken aptada onlaınnan offlaınǵa aýysty. Al búgin mýzeı kelýshilerdi qabyldaı bastady. Tek adam sany 25-ten aspaýy tıis. Ári sanıtarııalyq-epıdemıologııalyq talap qatań saqtalady. Senbi-jeksenbi kúnderi jabyq turady. Al jumys kúnderi saǵat 10:00-den 17:00-ge deıin ashyq», - dedi oblystyq tarıhı-ólketaný mýzeıiniń dırektory Meıram Dúısenǵalı.
Aıta keteıik, óńirde kitaphanalar jumysy da jandandy. Kóktemdegi eki aılyq onlaın jumystan soń olar qaıta qyzmetke kiristi. Jumys ýaqyty saǵat 9:00-18:00 aralyǵynda.
