Aqtóbede oblystyq máslıhat depýtaty sharýanyń jerin «basyp aldy»
AQTÓBE. QazAqparat - Aqtóbe oblystyq máslıhatynyń depýtaty Asqar Sadyqovtyń ıeligindegi seriktestiń Qobda aýdany, Biltabanov aýylyndaǵy «Jemeneı» sharýa qojalyǵynyń jerine zańsyz qonystanǵan. Oblys ortalyǵynan arnaıy barǵan komıssııa jerdiń sharýaǵy tıesili ekenin rastady, dep habarlaıdy QazAqparat tilshisi.
Aýylda mal ósirip, 700 bas qoı men 100 bas iri qara baǵyp otyrǵan Marat Chýjanov búgin oblystyq qoǵamdyq keńestiń otyrysyna kelip, polıtsııa basshylary men prokýrorlardan kómek surady. Buǵan deıin bul másele Biltabanov aýylyna arnaıy barǵan oblystyq komıssııada qaraldy.
«Aqjol» partııasynyń múshesi Asqar Sadyqov «Saýqaıyń» JShS-niń dırektory bolyp, sáýir aıyndaǵy jınalysta Sálıma Іzbasarovany senimdi ókili etip beketti. Olar Qobda aýdany, Biltabanov aýylyndaǵy jerge ótken jyldyń maýsym aıynan bastap qonystandy. Al men «Sybaǵa» baǵdarlamasy boıynsha nesıe alyp, asyl tuqymdy mal ósirip otyrmyn. 90 jyldardyń basynda aýylda mal basyn arttyrýdy qolǵa alyp, 2011 jyly jerdi 49 jylǵa jalǵa aldym. Orta jolda Asqar Sadyqov kelip, mal ósirýdi josparlap otyr. Men prokýratýraǵa, aýdandyq ishki ister departamentine aryzdanyp, jaýabyn kútip otyrmyn. Sotqa bergim kelmep edi, biraq olar jerge turaqty qonystana bastady»,- dedi kásipker Marat Chýjanov. Kásipkerdiń aıtýynsha, «Saýqaıyń» seriktestiginiń adamdary 200 qoıdy aıdap ákelip, endi tehnıkany jetkizip jatyr. Úı salýǵa arnalǵan topyraq pen qıyrshyq tas ta jetkizilgen.
«Komıssııa otyrysy kezinde Aqtóbe oblystyq jerdiń paıdalanylýy men qorǵalýyn baqylaý jónindegi basqarma basshysy Qanat Qaplıev bizdiń ıeligimizdegi «Jemeneı» sharýa qojalyǵynyń jerin zańdy túrde rastady. Tipti ádilet organdarynda tirkelgen. Sol otyrysta ekinshi tarapqa Jer kodeksi túsindirildi»,- dedi Marat Chýjanov.
Aıta keteıik, bul isti oblystyq ishki ister departamenti óz baqylaýyna aldy.
