Aqtóbede oblystyq qurylys basqarmasynyń basshysy sottaldy

AQTÓBE. QazAqparat – Alaıaqtyq jasap, qyzmettik ókilettiligin asyra paıdalanǵan Aqtóbe oblystyq qurylys, sáýlet jáne qala qurylysy basqarmasynyń burynǵy basshysy Nurlan Imanalınge qatysty sot úkimi shyqty, dep habarlaıdy QazAqparat tilshisi.

Aqtóbe oblystyq qurylys, sáýlet jáne qala qurylysy basqarmasynyń burynǵy basshysy Nurlan Imanalın osy jyldyń naýryz aıynda ustaldy. Oǵan Qylmystyq kodekstiń «Alaıaqtyq», «Laýazymdyq ókilettikterdi teris paıdalaný», «Bılik ókiline baǵynbaý» jáne «Bılik ókiline qatysty kúsh qoldaný» baptary boıynsha aıyp taǵylyp, is sotta qaraldy. Sonymen birge seriktestik dırektory Danııarbek Qoıbaǵarov ta Qylmystyq kodekstiń «Alaıaqtyq» baby boıynsha aıyptaldy.

Іs materıalyna súıensek, 2017 jyldyń qyrkúıek aıynda Aqtóbe oblystyq qurylys, sáýlet jáne qala qurylysy basqarmasynyń basshysy men «Aq Satok» JShS-niń dırektory Danııarbek Qoıbaǵarov kelisimshartqa qol qoıdy. Kelisim boıynsha Muǵaljar aýdany Saǵashıli aýylyndaǵy 320 oryndy mektepke 750 mıllıon teńgege jýyq qarjy bólingen. Qurylys jumysy kezinde Aqtóbe oblystyq qurylys, sáýlet jáne qala qurylysy basqarmasynyń basshysy Nurlan Imanalın atqarylmaǵan jumystyń aktisine qol qoıyp jibergen. Sóıtip qarjy seriktestikke aýdarylyp, Qoıbaǵarov pen Imanalın óz paıdasyna jaratqan. Tergeý kezinde N.Imanalın men D.Qoıbaǵarov keltirgen shyǵyn kólemi 60 mıllıon teńgeden asyp ketkeni týraly