Aqtóbede oblys ákiminiń esebi onlaın ótedi
Aqtóbe «jasyl» aımaqta bolǵanymen, sanıtarlyq talap boıynsha oblys ákiminiń esep berý kezdesýi onlaın ótetin boldy. 2020 jyly atqarylǵan jumystar jáne 2021 jylǵa arnalǵan jospar jergilikti saǵat 11.00-de tikeleı efırde aıtylady. Halyq «Aqtóbe» telearnasy, aqtobe_press paraqshasynda suraq qoıa alady.
«Suraqtar men usynystardy jazyp, Aqtóbe oblysy ákimdigi ǵımaraty, aýdandary jáne aýyldyq okrýg ákimderiniń apparattary, Aqtóbe qalasy ákimdiginiń ǵımaraty, Aqtóbe qalasynyń Astana, Almaty aýdandary ákimdiginiń ǵımaraty, gıpermarket, saýda oryndary men Halyqqa qyzmet kórsetý ortalyǵy, qalalyq mádenıet úıinde ornatylǵan jáshikterge salýǵa, sonymen qatar aktobe.region@akto.kz elektrondy poshtasy arqyly joldaýǵa bolady»,- dep habarlady oblys ákiminiń baspasóz qyzmeti.