Aqtóbede oblystyq mýzeı eksponattarynyń 28% ǵana tsıfrlyq formatqa kóshirildi

AQTÓBE. KAZINFORM — Mýzeıdegi eksponat sany 142 myńnan asady. Onyń tek 40 myńǵa jýyǵynyń tsıfrlyq nusqasy bar.

Aqtóbedegi oblystyq úsh mýzeıde tsıfrlandyrý júıesi júrip jatyr. Bul jumys Aqtóbe oblystyq tarıhı-ólketaný mýzeıi, Á.Moldaǵulovanyń memorıaldy mýzeıi, oblystyq óner mýzeıinde qolǵa alynǵan.

— Oblystyq mýzeılerdegi eksponat sany 142 570 danany qurasa, búgingi kúnge deıin 39 335 eksponat tsıfrlandyrý júıesine kóshirildi. Oblystaǵy úsh mýzeıdiń barlyq eksponat sanyn qosqanda bul kórsetkish 28%-dy quraıdy. Mýzeılerde 8 myńnan astam ekskýrsııa uıymdastyryldy. Kelýshiler sany 333 myńnan asyp otyr, — dedi Aqtóbe oblystyq mádenıet, arhıvter jáne qujattama basqarmasynyń basshysy Altynaı ıÝnısova.

Aqtóbe mýzeıleri byltyr 4 myńǵa jýyq eksponat qabyldady. Kóbi muraǵa saqtap júrgenin tegin beredi. Al aqyly qabyldaý Memlekettik satyp alý portaly arqyly júrgizilgen soń kóbi bul tetikti qoldandaıdy.

— Eksponatty kóbine qarapaıym adamdar tapsyrady. Olar memlekettik portal arqyly jumys isteımeıdi. Qazirgi kezde syıǵa tartady kóbi. Mýzeı túni aıasynda osy shara uıymdastyrylady. Bıyl 110 eksponat qabyldandy, — dedi Altynaı ıÝnısova.

Aıta keteıik, elimizde bıyldan bastap mýzeı salynbaıdy. Úsh jylǵa moratorıı jarııalandy.