Aqtóbede oblystyq Indýstrıaldy-ınnovatsııalyq damý basqarmasyna jańa basshy taǵaıyndaldy
Aqtóbe oblysynyń ındýstrııalyq - ınnovatsııalyq damý basqarmasynyń basshysy laýazymyna Asqar Ábishev taǵaıyndaldy, dep habarlaıdy Kazinform.
Aqtóbe oblysy ákiminiń baspasóz qyzmetiniń habarlaýynsha, Asqar Ábishev 1983 jyly týǵan. Joǵary bilimdi maman. Ol 2006 jyly Q.Jubanov atyndaǵy AMÝ, 2008 jyly QR Prezıdenti janyndaǵy Memlekettik basqarý akademııasyn támamdaǵan. Eńbek jolyn 2000 jyly Aqtóbe oblystyq ІІD aǵa jedel ýákili bolyp bastady. 2008 - 2010 jyldary Qazaqstan Parlamenti Májilisi apparatynyń uıymdastyrý-baqylaý jáne kadr jumysy bóliminiń bas konsýltanty, sektor meńgerýshisi bolyp jumys istegen.
2010 - 2018 jyldary Qazaqstan Premer-Mınıstri Keńsesiniń ındýstrııalyq-ınnovatsııalyq damý bóliminiń bas sarapshysy, qorǵanys jáne quqyq tártibi bóliminiń bas konsýltanty qyzmetterin atqarǵan.
2018 - 2019 jyldary Almaty qalasynyń Bostandyq aýdany ákiminiń orynbasary bolyp qyzmet etken.
2019 - 2021 jyldary Qazaqstan Saýda jáne ıntegratsııa mınıstrligi tutynýshylardyń quqyqtaryn qorǵaý komıtetiniń Nur-Sultan, Almaty qalalarynyń tutynýshylardyń quqyqtaryn qorǵaý departamentiniń basshysy qyzmetterin atqarǵan.
2021 jyldyń qazan aıynan bastap 2023 jyldyń qazan aıy aralyǵynda Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń ınspektory bolyp qyzmet etken.
