Aqtóbe oblysynda sý basqan úılerdi baǵalap, tólem jasalyp jatyr

ASTANA. KAZINFORM – Aqtóbe oblysynda sý tasqyny saldarynan 9 eldi meken qatynassyz qalyp tur. Bul týraly Aqtóbe oblysy ákiminiń orynbasary Asylbek Esenbaev málim etti.

«Búginde 44 eldi meken elektr jaryǵyna qaıta qosyldy. Qazirgi tańda 11 eldi mekende 172 abonent jaryqtan ajyratylǵan, degenmen turǵyndarǵa ýaqytsha toq berildi. Elektr qýatyn qalpyna keltirý jospary quryldy, shamamen 7 kúnde bul jumystar aıaqtalady. Sonymen qatar sý tasqyny saldarynan oblystaǵy 9 eldi meken jol qatynasynsyz qalyp tur, buǵan deıin 17 eldimekenniń jolyn sý basqan edi», - dedi Asylbek Esenbaev Ortalyq kommýnıkatsııalar qyzmeti alańynda ótken baspasóz máslıhatyna ZOOM arqyly qatysa otyryp.

Ákim orynbasarynyń málimdeýinshe, qazir kólik qatynasyn jańǵyrtý jumystary júrip jatyr. 

«Sý tasqynynan zardap shekkenderdiń turǵyn úılerin baǵalaý jumystarynyń bastapqy qorytyndylary alynýda. Osyǵan oraı, aýdandarda turǵyndarǵa tólemder jasaý jumystary bastaldy», - deıdi ol.