Aqtóbede «Nurly jermen» salynǵan úıler «7-20-25» baǵdarlamasymen satylady
Aqtóbe ákimdigi «Nurly jer» boıynsha salynǵan 700-den astam páterdi «7-20-25» baǵdarlamasymen satý úshin ekinshi deńgeıli bankterge berdi.
Sonymen qatar, qalada Jastar jylyna oraı arnaıy joba ázirlenýde. Búginde aımaqta 29 jasqa tolmaǵan 28 700 jas jáne jas otbasy páter kezeginde tur. Jetim, ata-ananyń qamqorlyǵynsyz qalǵan 3 myńnan astam jas bar.
«Baspanamen qamtamasyz etý maqsatynda Aqtóbe qalasynda arnaıy baǵdarlama ázirlenip jatyr. ıAǵnı, bir bólmeli páter alý úshin 350 myń teńge jınaý kerek. Aı saıynǵy tólemi 35 myń teńge bolady. Oǵan kommýnaldyq tólemaqy da qosylady. Esep boıynsha páter alýǵa nıet bildirgen jas aı saıyn 63-70 myń teńge jalaqy alýy shart. Sonymen qatar, oblys ákimi Berdibek Saparbaev 150 jasqa qoljetimdi páter berý jobasyn qoldady, ol iske asyrylyp jatyr. Ári jastar men jas otbasylarǵa satyp alý quqyǵynsyz 500-den astam páteri bar turǵyn úı salý josparlanýda. Bul qurylysqa 3,9 mıllıard teńge qajet», - dedi qala ákiminiń orynbasary Kúlparshyn Aıdarhanova.
Aıta keteıik, osy kúnge deıin «7-20-25» baǵdarlamasy aıasynda 254 aqtóbelik baspanaly boldy. «Nurly jer» baǵdarlamasymen salynǵan páterlerdi «7-20-25» boıynsha alǵysy keletin azamattar «Baspana» AQ fılıalyna nemese jergilikti ákimdiktegi turǵyn úı sektoryna júgine alady. Bul týraly «Nur Otan» partııasynyń Aqtóbe qalalyq fılıalynyń kezekten tys HHVІІІ konferentsııasynda aıtyldy. Konferentsııaǵa Májilis depýtaty Álııa Saparova qatysty.
