Aqtóbede «Nur Otan» partııasynyń saılaýaldy shtaby jumysyn bastady
Partııa tizimi boıynsha Aqtóbe oblystyq jáne aýmaqtyq saılaý komıssııasyna barlyǵy 368 kandıdat tirkeldi. Onyń ishinde 309-y praımerız jeńimpazy, 59 -y partııa fılıalynyń kvotasy boıynsha irikteldi. Jalpy oblys boıynsha saılaýaldy shtabtarǵa 472 adam kirgen. Kóbi mádenıet, bilim, ǵylym, bıznes ókilderi jáne máslıhat depýtattyǵyna úmitker kandıdattar. Sonymen birge shtab janynan Jastar qanaty quryldy. Oǵan «Jas Otan» Jastar qanatynyń belsendileri men partııanyń jas jaqtastary kirdi.
«Saılaýaldy baǵdarlamada 1300-den astam naqty mindet qamtyldy. Onyń 46 paıyzy Memleket basshysynyń Qazaqstan halqyna Joldaýynda aıtylǵan tapsyrmalardy oryndaýǵa baǵyttalǵan. Sóıtip biz 1 myńǵa jýyq aqtóbeliktiń ótinish-tilegin túgel qamtyp otyrmyz. Onda ekonomıkalyq, áleýmettik, bilim men sport, mádenıet salalaryna baǵyttalǵan birneshe saýaldyń sheshimi tabylǵan. Bizdiń basty uranymyz – «Qıyndyqty eńserip, jeńiske birge jetemiz!» Bul elimizdiń kúrdeli kezeńderdegi basty biriktirýshi kúshi men qundylyǵyn kórsetedi. Onda Elbasy aıtqan jetistiktiń úsh negizgi qaǵıdaty bar. Bul - jaýapkershilik, partııamyzdyń birligi, ortaq ıdeıa men maqsatty ustaný», - dedi «Nur Otan» partııasy oblystyq fılıaly tóraǵasynyń birinşi orynbasary, oblystyq saılaýaldy shtaby basshysy Erbol Danaǵulov.
Úgit – nasıhat jumysy kezinde ashyq dıalogqa basymdyq berilip otyr. ıAǵnı, kez kelgen kandıdat óz baǵdarlamasyn jan-jaqty túsindirip, turǵyndardyń ótinish-tilegin tyńdaıdy. Saýaldaryna jaýap berip, aldaǵy jumys josparymen bólisedi.
«Saılaýdaǵy jeńis árqaısymyzdyń biliktiligimizge, jaýapkershiligimizge, óz isimizge degen adaldyǵymyzǵa tikeleı baılanysty. Partııa Tóraǵasy, Elbasy barlyq kandıdat saılaý naýqanyna belsendi atsalysýy kerektigin naqty belgilep berdi. Biz partııamyzdyń osy zamanǵy syn-qaterlerge batyl jaýap beretin jáne qazaqstandyqtardyń senimine laıyqty naqty ister partııasy ekenin kórsetýge tıispiz»,- dedi E.Danaǵulov.
Aıta keteıik, «Nur Otan» partııasynyń Aqtóbe oblystyq saılaýaldy baǵdarlamasy boıynsha 2025 jylǵa deıin óńirde 30 iri kásiporyn ashylady. Sonymen birge eń tómengi jalaqy mólsheri 200 myń teńgege deıin jetkiziledi. Igerilmegen jer telimderi memleket menshigine qaıtarylyp, aýyl sharýashylyǵy salasyna baǵyttalǵan jer kólemi artady. Aldaǵy 5 jylda Aqtóbe oblysynyń barlyq aýyl halqy ortalyqtandyrylǵan aýyz sýmen qamtamasyz etiledi. Sonymen birge 3,9 mıllıon sharshy metr turǵyn úı salynyp, 28 myńnan astam adam baspanaly bolady. Oblystyq, qalalyq jáne aýdandyq mańyzy bar 2 myń shaqyrym jol jóndelip, 2025 jylǵa deıin sapaly jol úlesi 85 paıyzǵa jetkiziledi.
«Nur Otan» partııasy Aqtóbe oblysy Saılaý qorynyń qarajatynan tólendi.
