Aqtóbede nóser jaýynnan soń 50 qoı-eshkini baýyzdaýǵa týra keldi
AQTÓBE. QazAqparat –Aqtóbede Kishiqum aýyldyq okrýgine qarasty Shoqsý stansasynda jańbyrdan soń qoı-eshki baýyryn kótere almaı qaldy. Aýyl turǵyndary usaq jandyqty baýyzdap alǵan, dep habarlaıdy QazAqparat tilshisi.
Aqtóbe oblysy, Shalqar aýdany, Kishiqum aýyldyq okrýgine qarasty Shoqsý stansasynda oqys oqıǵa tirkeldi. Áleýmettik jelidegi beınejazbadan qoı-eshkiniń baýyryn kótere almaǵanyn kórýge bolady. Barlyǵy 15 eshki men 35 qoı jaýynnan soń tura almaı qaldy.
«Qoıdy qyryqqan soń jaıylymǵa jibergen. Sol kezde burshaq aralas jańbyr jaýyp, jel soqqan. Aýyl turǵyndary jaıylymǵa jibergen malyn ýaqtyly baýyzdap úlgerdi. Sóıtip ózara taratyp alǵan. Eshkimnen shaǵym túspedi. Shyǵyn emes, tek soıyp alǵan»,- dedi Aqtóbe oblystyq veterınarııa basqarmasy basshysynyń mindetin atqarýshy Isa Bazarov.
