Aqtóbede nóser jaýynnan kóshelerdi sý basty
AQTÓBE. QazAqparat – Aqtóbede jańbyr tolassyz jaýyp tur. Qala kósheleri sýǵa ketti, dep habarlaıdy QazAqparat tilshisi.
Aqtóbe qalasyndaǵy 5 sorǵy stantsııasy jumys istep tur. Sonymen birge sý sorý jumysyna 50-den astam tehnıka jumyldyryldy.
Qala kóshelerin tazartý úshin 10 qol sorǵylaý stantsııasy jumys istep tur.
Syıymdylyǵy joǵary 15 kólik te kóshede júr.
Inertti materıaldardy jetkizý solarǵa júkteldi. Ázirge sýǵa ketken aýla joq.
«Sýdyń kóp bóligi jolǵa jınalǵan. Jalpy kóktemde sý jınalatyn, sýǵa ketýi basym 40 aımaqqa sýaǵar salynady. Jumys jalǵasyp jatyr», - dedi Aqtóbe qalalyq turǵyn úı-kommýnaldyq sharýashylyq bóliminiń bas mamany Jomart Baqytgeldi.
