Aqtóbede nóser jaýynnan soń turǵyndar qaıyqpen qatynady
AQTÓBE. KAZINFORM – Bul Temir aýdany Babataı aýylynda boldy. Qazirgi kezde sý deńgeıi túsip, qatynas jandanǵan.
Áleýmettik jeli arqyly taraǵan vıdeodan turǵyndardyń ózennen qaıyqpen ótip jatqanyn kórýge bolady. Ózenniń eki betine arqan tartyp qoıǵan. Qaıyqqa mingen adam jipti tartyp, qozǵalady.
- 27–28 sáýir kúnderi jaýǵan nóser jańbyr saldarynan Qaıyńdy aýyldyq okrýgindegi Babataı ózeni arnasynan tasydy. Sonyń nátıjesinde avtokólik qozǵalysy ýaqytsha qıyndap, turǵyndardyń qaýipsiz ótýi qaıyq arqyly uıymdastyryldy. Qazirgi tańda jaǵdaı turaqtanyp, sý deńgeıi tómendedi, Babataı aýylyna qatynas tolyqtaı qalpyna keltirildi,- dep habarlady Temir aýdany ákimdigi.
Aıta keteıik, Yrǵyz aýdanynyń Jarma aýylynda elektr baǵanalary qulady, al Sheńbertalda úılerdiń shatyry tesilip qaldy.
